S’dimë ç’do të bëhet me bashkëpunimin e tyre të parë “Kur vijmë na”, por gjërat po nisin të duken serioze mes Noizy-t dhe Stresit.
Pas pajtimit, djemtë janë zënë sërish dhe s’i kanë kursyer thumbat në rrjete sociale.
“E vërteta përherë del. Mbase vonon për të dalë por për të dalë del”- shkruan Noizy në postimin e tij. Ndërsa Stresi nga ana tjetër, duket se iu kundërpërgjigj deklaratës së reperit ku shprehej:
“O dak… të vërtetën se merr vesh kurrë kur ke intriganta rreth teje. Unë jam vetvetja si gjithmonë!”
“Kur ti ke zemër të mirë ndihmon shumë, dhuron shumë, beson shumë. Dhe gjithmonë duket… Që lëndohesh më së shumti”– shkruhej në një tjetër postim të Stresit.
Megjithatë, ende mbetet një fije dyshimi se gjitha kjo është thjesht marketing për këngën e tyre të re. Mbetet për t’u parë!
