Vetëm 1 vit pasi u bashkuan sërish me njëri-tjetrin, modelja 22-vjeçare Bella Hadid dhe këngëtari 29-vjeçar, The Weeknd, i kanë dhënë fund lidhjes së tyre.
Burime për “E!News” kanë zbuluar se ata nuk janë më së bashku dhe ndarja e tyre ka ardhur si pasojë e disa arsyeve.
Pikë së pari, largësia mes tyre ka qenë një faktor kryesor, pasi çifti nuk mund të planifikonte asnjë aktivitet së bashku për shkak të angazhimeve të shumta në kohë të ndryshme.
“Ata janë në vende të ndryshme si fizikisht, ashtu edhe mendërisht.”- ka thënë burimi.
Mësohet se çifti kishte pasur shumë mosmarrëveshje kohëve të fundit dhe zënkat i kanë larguar me njëri-tjetrin.
Megjithatë, kjo nuk është një ndarje përfundimtare për ta.
“Ata shpresojnë që të kthehen sërish së bashku në një moment tjetër, por tani për tani secili po fokusohet tek vetja e tij.”- ka treguar burimi pranë çiftit.
Kujtojmë se marrëdhënia e tyre ka pasur ulje e ngritje të shumta dhe kjo nuk është hera e parë që The Weeknd dhe Bella i japin fund. Mbetet vetëm të presim të reja të tjera nga çifti.
