Arrestohet autori që plagosi efektiven e policisë Ina Nuka, gjatë protestës së ditës së djeshme përballë Parlamentit.
Sipas njoftimit të policisë, në pranga ra 18-vjeçari Daniel Drobaj, i cili tashmë është cilësuar si autor i plagosjes se polices.
Në ngarkim të adoleshentit rëndojnë akuzat për veprat penale: “Plagosje e rëndë me dashje”, “Organizimi dhe pjesëmarrja në grumbullime dhe në manifestime të paligjshme”, “Prishje e rendit dhe qetësisë publike”, si dhe “Goditje për shkak të detyrës”.
Kujtojmë se 24-vjeçarja mbeti e plagosur pas shpërthimit të një kapsolle dhe për pasojë humbi dy gishtat e njërës dorë, si dhe u dëmtua në qafë dhe në dorën tjetër. Po ashtu të lënduar mbetën edhe 14 policë të tjerë, si dhe disa prej protestuesve.
Këta të fundit protestuan dje për të 19-ën ditë radhazi për dëmshpërblimin e banesave dhe bizneseve në zonën e Unazës së Re, që do të prishen për të ndërtuar Unazën e Madhe.
