Chris Brown ka zemëruar ndjekësit pasi kapi nga fyti ish-yllin e ‘Love Island’, Natalia Zoppa në një kërcim, në shfaqjen e tij në Manchester.
‘DailyMail’ raporton se kjo është një lëvizje që ai e bën në turnetë nëpër Mbretërinë e Bashkuar. Mirëpo, ndjekësit kanë rikthyer të shkuarën e këngëtarit, i cili ka një histori të dhunës.
Kjo ka sjellë në vëmendje sulmin brutal ndaj të ish- të dashurës së tij në vitin 2009, Rihanna.
Fansat e kanë sulmuar yllin e popit në internet, duke i quajtur pamjet e fundit ‘shqetësuese’ dhe ‘të shëmtuara’ duke shtuar se Natalia, dukej e sikletosur ndërsa Chris e mbajti dorën rreth qafës së saj për gjashtë sekonda.
Njëri shkroi: ‘Kjo është kaq shqetësuese. Një burrë me një histori të shkuar dhune, ulur një fanse në skenë, duke e kapur atë rreth qafës dhe më pas duke e kapur në fytyrë.
Një tjetër shtoi: ‘Dukej e tmerrshme’.
Një tjetër tha: ‘Ndoshta duhet të kujdesem për punët e mia, por pse do të dëshironit që Chris Brown të vendosë duart në fyt pas asaj që i bëri Rihannës’.
Chris ka nisur turneun e tij botëror ‘Under The Influence’, në qytete si Londra, Glasgow dhe Dublin.
