Vetëm katër muaj pasi një peshkaqen ra në rrjetat e peshkatarëve shqiptarë në brigjet e Durrësit, një tjetër “përbindësh” është kapur në afërsi të Gjirit të Vlorës.
Por ndryshe nga peshkaqeni i llojit “dem”, ky i kapur në Vlorë është i llojit bishtdhelpër dhe është i parrezikshëm.
Ky cilësohet si një peshkaqen i rrallë, ndërsa emrin e ka marrë për shkak të bishtit të gjatë.
Sipas peshkatarëve, shkak për ardhjen e këtyre specieve në brigjet tona është ngrohja globale.
Pavarësisht se shpesh dallohen në ujërat e cekët, këta lloj peshkaqenësh preferojnë oqeanet e hapur, por nuk rrezikojnë të qëndrojnë më poshtë se 500 metra thellësi.
Ai gjithashtu thuhet se shfaqet në ujërat e Mesdheut, ndërkohë faktorët e mjedisit mund t’i detyrojnë që të kërkojnë territore të reja.
