Karantina ka bërë që Almeda së bashku me partnerin e saj Tolgahan dhe djalin e tyre të kalojnë sa më shumë kohë me njëri-tjetrin.
Por ndër të tjera, karantina tek ta paska ndikuar edhe për të zbuluar se çfarë nuk pëlqejnë tek njëri-tjetri.
Të ftuar në emision turk në “Kanalin D”, Almeda ka zbuuar se për çfarë e mërzit Tolgahan më shumë dhe nuk ka ngurruar që ta thotë publikisht.
Sipas Almedës ai luan gjatë gjithë kohës playstation dhe kjo gjë nuk i pëlqen aspak.
“Tolgahan luan gjithë ditën playstation, e kuptova që nuk heq dorë dhe ndava katet”, tregoi Almeda duke qeshur.
Ndërkohë Tolgahan e ka justifikuar veten duke thënë që “ka shumë vende në shtëpi ku mund të qëndrosh”.
Aktori i njohur turk tregoi se Almeda e mban shtëpinë shumë të rregullt dhe të pastër ndërsa ajo nuk mundi dot të thoshte të njëjtën gjë për të shoqin.
“Tolgahan është kaq rrëmujaxhi. E provon një bluzë dhe e lë aty”, tha ajo.
Kanë qenë këto kapje të vogla mes njëri-tjetrit që shkaktuan të qeshura në studio.
Prej vitesh Almeda Abazi është shkëputur nga Shqipëria për të jetuar në Turqi. Ajo ka krijuar një jetë të re me aktorin turk, Tolgahan dhe së bashku kanë një djalë.
https://www.instagram.com/p/B_Udq8_F5p4/
Modelja ka një karrierë të suksesshme në Turqi dhe prandaj numri i ndjekësve të saj në rrjetet sociale ndërthuret midis atyre shqiptarë dhe turq.
