Disa nga linjat ajrore më të mëdha amerikane po përballen me shumë vonesa mëngjesin e së hënës, për shkak të një ndërprerjeje të sistemit kompjuterik, që ka shkaktuar probleme të fluturimeve në mbarë vendin.
“Southwest”, “Delta”, “United”, “JetBlue” dhe “Alaska Airlines” lajmëruan për vonesa të fluturimeve ose shtyrje të tyre për shkak të një problemi me një program të quajtur AeroData, i cili përdoret për të llogaritur ngarkesën dhe bilancin e fluturimeve.
Më shumë se 780 fluturime janë vonuar në mbarë vendin që nga ora 8:40, duke përfshirë shumë nga fluturimet në aeroportet në: Nju Jork, Boston, Çikago, Detroit dhe Uashington DC.
Një pjesë e madhe e fluturimeve në Dallas, Charlotte, Atlanta dhe Miami gjithashtu patën vonesa.
Pasagjerët po shprehin zhgënjimin e tyre në mediat sociale, ndërsa disa prej tyre pyesnin nëse vonesat ishin një shaka e 1 Prillit.
Burimi: Daily Mail
