Mjeku i Kanye West u frikësua se reperi mund të sulmonte policët, pasi dyshohet se nisi të bërtiste me arsyen se disa njerëz po përpiqeshin ta vrisnin dhe kishte halucinacione.
Mbrëmjen e së hënës bashkëshortja e tij, Kim Kardashian, anuloi atë që do të ishte dalja e saj e parë publike pas grabitjes në Paris, pasi Kanye u raportua se pati një krizë të rëndë psikologjike.
Reperi u detyrua të shtrohej urgjentisht në njërin prej spitaleve të Los Angeles-it, ndërsa i ishin vendosur edhe pranga. Ai ishte jashtë kontrollit dhe madje u kishte rezistuar mjekëve, të cilët ishin detyruar ta prangosnin për ta futur më pas në ambulancë.
TMZ raporton se doktori personal telefonoi shërbimin e urgjencës rreth orës 1.20 të mëngjesit të së martës, pasi West nisi të vepronte në mënyrë të “paparashikueshme” në shtëpinë e trajnerit të tij, vetëm disa orë pasi anuloi koncertin e turneut të tij “Saint Pablo”.
Reperi aktualisht ndodhet nën kujdesin e mjekëve, të cilët po i bëjnë një vlerësim psikiatrik. Sipas raportimeve, gjendja psikologjike është e përkohshme dhe u shkaktua nga mungesa e gjumit dhe dehidratimi.
Burimet pranë familjes shprehen se në momentin që ishte njoftuar, Kim u largua me shpejtësi nga eventi vetëm 10 minuta pas mbërritjes në tapetin e kuq.
Burimi: Daily Mail
