Kanye West po heq dorë nga markat që ndërpresin lidhjet me të dhe këmbëngul se ai nuk mund të anulohet, madje ai thotë se kjo vetëm dëshmon komentet e rrezikshme antisemite që ai ka hedhur.
Miliarderi mbajti një konferencë për shtyp, duke lënë lojën e basketbollit të vajzës së tij North West të premten mbrëma. Ai u ndal për të marrë pyetje nga turma e paparacëve.
Menjëherë, Ye iu kundërpërgjigj Balenciaga-s duke thënë se fakti se ata i ndërprenë bashkëpunimet me të, nuk ishte gjë e madhe, sepse sipas reperit ata nuk po i paguanin asgjë. Në fakt, ai e hodhi poshtë lëvizjen e gjigantit të modës si PR, duke thënë: “Unë mendoj se njerëzit thjesht përpiqen të fitojnë pikë” – dhe ai mendon se Balenciaga, LeBron James , Maverick Carter dhe prezantuesi i “Drink Champs” janë të gjithë fajtorë për atë.
Ai u ankua për faktin se partneri producent i LeBron, Maverick, kishte xhiruar episodin e “The Shop” që ai xhiroi me ta. Kujtojmë këtu që Maverick tha se ata e tërhoqën episodin sepse nuk donin t’i jepnin Ye një platformë për të përhapur “gjuhë urrejtjeje”.
NORE bëri të njëjtën gjë me episodin më të fundit të ‘Champs’ ku Kanye u përfol për komentet e tij antisemite, duke përfshirë pretendimin se hebrenjtë që drejtojnë Hollyëood-in e kishin mashtruar.
Ndërsa reperi tashmë është kritikuar gjerësisht për përsëritjen e shumë teorive të tij, mbrëmë ai tha, “Unë dua të flas për komentin hebre. Në fakt është duke dëshmuar pikën e saktë që kam thënë. Kaq shumë aktorë janë ngacmuar prapa skenave.”
Më pas ai iu referua thirrjes së CEO-s së agjencisë së talenteve Endeavor për Hollywod që të ndërpresë lidhjet me Ye. Ai tha: “Kështu që ju e keni Ari Emanuel që u kërkon njerëzve të mos bëjnë biznes me mua. Kështu funksionon ky qytet për kaq shumë kohë. Ata do t’ju heshtin me çdo kusht.”
Kanye e përfundoi konferencën duke u kthyer çuditërisht në një urim për ditëlindjen e ish-bashkëshortes së tij Kim Kardashian , e cila mbushi 42 vjeç të premten. Ajo ishte gjithashtu në ndeshjen e North-it, por ata nuk u panë bashkë.
