Kanye West ka lënë spitalin pasi u shtrua nga një krizë nervore për disa ditë dhe tani është në shtëpi.
Ai u shtrua në spital për herë të parë pas një krize të rëndë psikologjike. Reperi 39-vjeçar u largua nga UCLA Medical Center në shoqërinë e gruas së tij Kim Kardashian dhe mjekut të tij personal, Dr. Michael Farzam.
Portali X17 ishte i pari që dha lajmin se Kanye kishte dalë nga spitali dhe se do të vazhdojë të trajtohet në shtëpi për çështje psikologjike dhe mjekësore.
Reperi nuk është ende “jashtë rrezikut”, tha një burim për faqen e internetit. Lajmi vjen pas një raporti të ri që bëri me dije se Kim dhe Kanye po grindeshin në përpjekje për të gjetur një rrugëzgjidhje.
Si pasojë e përvojës së hidhur me grabitjen në Paris, ylli i “Keeping up with the Kardashians” ndjehet se nuk mund të mbështesë reperin i cili ka një varësi të çmendur ndaj punës, nuk fle dhe është duke u bërë gjithnjë e më shumë “paranojak”.
“Këto ditë kanë qenë vetëm ferr për ta”, tha një burim për Us Weekly.
Reperi i famshëm me sa duket është bërë “i padurueshëm” për të jetuar me të në vilën që kanë në Bel Air dhe së bashku, janë duke luftuar shumë.
“Ai rri gjithë natën zgjuar, vizaton, shkruan, skicon dhe nuk qetësohet që të shkojë në shtrat”.
Gjërat thuhet se u përkeqësuan kur Kanye i dha fund njërit nga koncertet e tij pasi këndoi vetëm tri këngë.
Burimi: Daily Mail
