Teksa Kim Kardashian e ka bërë tashmë zyrtare lidhjen e saj me Pete Davidson dhe po shijon çdo moment të romancës së re, Kanye nga ana tjetër është shfaqur herë pas here me vajza të ndryshme në publik.
Së fundmi, ai ka nisur një lidhje të re me Chaney Jones, të cilën të gjithë e kanë etiketuar si “sozia” e Kim Kardashian.
Kjo për shkak të ngjashmërisë në format e trupit, po ashtu edhe në stilin e veshjes. Megjithatë, Chaney nuk pranon që ta krahasojnë me Kim-in.
Ajo ka mohuar kategorikisht të ketë ngjashmëri me të, madje më herët ka treguar se s’ka bërë asnjë ndërhyrje për të pasur format që ka sot.
Për më tepër, Jones ka rrëfyer në njëfarë mënyre “marrëveshjen” që ata kanë bërë për ish-gruan e reperit.
Ata nuk flasin kurrë për Kim Kardashian, siç tregon ajo.
Rikujtojmë se Kanye “Ye” West nuk do të performojë në “Grammy 2022” për shkak të “sjelljes së tij në internet”.
Një burim i afërt me Kanye u shpreh për “ET” se të premten mbrëma reperit iu tha në një telefonatë se atij i është ndaluar pjesëmarrja në ceremoninë e ndarjes së çmimeve.
Lajmi vjen vetëm disa ditë pasi Kanye u pezullua nga “Instagram”-i për 24 orë pas një sërë postimesh që Meta, kompania mëmë e “Instagram”-it, i konsideroi shqetësuese dhe që përmbanin gjuhë urrejtjeje.
Pezullimi ishte si pasojë e postimeve të Ye, ku ai drejtoi sharje raciste ndaj Trevor Noah. Artisti i “Donda” gjithashtu publikoi disa postime duke sulmuar Pete Davidson dhe D.L. Hughley. Kështu, Ye nuk u lejua të bëjë më asnjë postim, koment ose të dërgojë mesazhe të drejtpërdrejta gjatë kohëzgjatjes së pezullimit të tij.
Disa nga postimet e tjera të Kanye-s përfshijnë edhe akuza ndaj Kim, duke u shprehur se ajo nuk po e lejon të takojë fëmijët e tij dhe se mënyra se si po i rrit ata nuk është e duhur.
Nga ana tjetër kemi edhe videoklipin e West, për këngën e tij, “Eazy”, e cila e tregoi atë duke rrëmbyer dhe varrosur një figurë prej balte që i ngjante Pete Davidson, të dashurit të Kardashian.
