Kanye West nuk po e ngadalëson ritmin në luftën e fjalëve me të dashurin e ri të Kim Kardashian, Pete Davidson.
Reperi, 44 vjeç, ndau një tjetër lumë postimesh në “Instagram” në orët e para të së mërkurës, duke pretenduar se ylli i SNL-së do ta bënte ish-bashkëshorten e tij ‘të varur pas drogës’.
Shpërndarja e re vjen pasi u raportua se avokati i Kanye po kërkon të vendosë marrëveshje formale për kujdestarinë e fëmijëve midis tij dhe Kim Kardashian.
Kështu, ditën e sotme Kanye postoi një ‘screenshot’ të titullit të një lajmi të vitit 2019, ku shkruhej “Pete Davidson zemëron audiencën me shakatë për të bërë seks me një fëmijë”, duke e paraqitur atë si provë të mëtejshme që komediani nuk duhet të lejohet pranë fëmijëve të tij.
“Edhe një arsye tjetër pse SKETE duhet të qëndrojë larg fëmijëve të mi,” ka shkruar Kanye, duke pretenduar më tej se Pete ka patur vështirësi psikologjike së fundmi për shkak të grindjes së tyre.
Rikujtojmë se së fundmi, Pete ka reagur për videoklipin e “Eazy” nga Kanye West, i cili shfaqet në mënyrë shqetësuese duke i prerë Pete-t kokën dhe duke e varrosur.
Ai tha se videoklipi sipas tij është ‘zbavitës’ dhe nuk e ka lënë ‘animacionin grafik’ të ndikojë negativisht tek ai.
Pete Davidson me sa duket ishte argëtuar nga fakti që reperi 44-vjeçar përfshiu një skenë grafike animacioni në të cilën ai ia preu kokën dhe e varros në videon për “Eazy” dhe në fakt është llastuar nga e gjithë kjo pasi mendon se Kanye i ka kushtuar shumë rëndësi me këtë videoklip.
