Enca Haxhia po shijon prej 4 ditësh suksesin e këngës “Jealous”, e cila ka arritur plot 1 milionë klikime në Youtube dhe pamjet e nxehta të klipit kanë bërë namin në rrjete sociale.
Të shumtë janë personazhet e huaj VIP që e kanë përgëzuar këngëtaren për talentin e saj, ndërsa së fundmi vëmendjen e ka tërhequr ylli i famshëm i boksit, Agit Kabayel.
Në një video të këngës së re të publikuar nga Enca në profilin e saj në Instagram, boksieri i ka komentuar në shqip këngëtares, duke i bërë të gjithë kuriozë për marrëdhënien mes tyre.
“Shqiptar”- shkruan Kabayel, ndërsa Enca ia ka kthyer: “Heyy Kurdiii”, duke u nisur nga origjina e tij kurdistane.
Kaq ka mjaftuar që ndjekësit të vërshojnë në komente ku aludojnë së boksieri po e gjuan publikisht këngëtaren shqiptare.
Agit Kabayel është një ndër boksierët më të famshëm në Europë, i cili nga 19 ndeshje, numëron plot 19 fitore.
