Ish-miss-i shqiptar Almeda Abazi siç edhe ju mund ta dini është tashmë në ditët e fundit të shtatzënisë dhe pritet që të lindë vogëlushin e saj nga momenti në moment.
Përgjatë një interviste për “revistawho.com”, bukuroshja shqiptare e cila prej kohësh jeton në Turqi me bashkëshortin e saj, aktorin turk Tolgahan Sayışman, ka rrëfyer si i ka përjetuar ndryshimet në trup gjatë shtatzënisë.
“Jam në muajin e 9-të dhe ai mund të vijë në çdo moment. Kam shtuar 13 kg. Ndryshimet në trup nuk më kanë interesuar që në momentin e parë kur kam dëgjuar rrahjet e zemrës në ‘ultrasound’. Me thënë të drejtën nuk jam kujdesur asnjë ditë, doja vetëm të shijoja këto muaj duke mos u shqetësuar për kilogramët dhe ndryshimet në trup. Kilogramët hiqen, por këto muaj të shenjtë nuk i kthen dot”, është shprehur ajo.
Ndër të tjera Almeda ka sqaruar publikisht edhe arsyen se përse kanë vendosur që djalin ta quajnë Efehan: “Mua më pëlqen si emër Efe dhe kur ja thashë Tolgës më tha le të jetë Efehan pasi shumica e emrave në familjen e Tolgës i mbaron emri me ‘Han’ dhe kështu vendosëm të jetë Efehan.”
Ndërsa pyetjes “A do t’i mësosh shqip djalit tënd?”, Abazi i është përgjigjur në këtë mënyrë: “Oh sigurisht, do mundohem t’i flas vetëm në shqip, turqishten ja kam lënë Tolgës.”
Shumë gjë e mirë kjo, apo jo? /revistawho.com
