Zamira Kita ka pasur raste kur është mërzitur nga puna me meshkujt dhe ka shkuar në shtëpi duke qarë.
Aktorja e njohur ishte e ftuar pasditen e kësaj të enjteje në studion e “Ftesë në Pesë”, bashkë me regjisoren Driada Dervishi, për të folur rreth projektit të tyre “8 femrat”.
Gjatë bisedës ajo pranoi se është shumë më e lehtë të punosh me femrat, pasi meshkujt gjithnjë pretendojnë se janë më të aftë dhe mund të bëjnë më shumë.
“Ndërkohë, ne na ka qëlluar të punojmë me meshkuj dhe kam shkuar në shtëpi duke qarë. Se ka pasur raste të tilla, epo mërzitesh…”, tha ndër të tjera aktorja.
Komedia me nota muzikali, “8 femrat” ka nisur shfaqjet edhe në Tiranë, pas suksesit në qytetin e Korçës.
Sipas Zamirës, arma e fortë e kësaj komedie qëndron te kasti që përfshin emrat e aktoreve më të mira të skenës shqiptare.
