Jonida Vokshi ishte e ftuar ditën e sotme në “Ftesë në 5”, ku ka zbardhur detaje mjaft interesante rreth mëmësisë, zgjerimit të familjes, por edhe Festivalit të RTSH.
Jonida ka thënë se Emi i ngjan më tepër partnerit dhe këtë gjë e ka patur të vështirë për ta pranuar por tashmë është pajtuar me këtë fakt.
E pyetur nëse ka filluar që tani të mendojë për të ardhmen e të bijës, moderatorja ka treguar se e frenon veten sepse do që ajo të zgjedhë atë fushë ku është e aftë.
Sa i ngjan Besnikut. E kam patur shumë të vështirë ta pranoj. Por tani jam pajtuar me këtë fakt. Do doja shumë të më ngjante, por në fund të ditës ka totalisht hijen e Besnikut por kanë disa tipare që s’mund ta përcaktojmë ende se kujt i ngjan, por jam shumë e lumtur që Emi i ngjan Besnikut dhe ai është zgjedhja ime. E kam menduar gjithmonë se si do jetë një vajzë apo djalë, por e frenoj veten sepse dua që ajo të zgjedhë një fushë ku është e aftë. Nuk dua të jem nga këto mamatë që të them se dua të bëhet doktoreshë, por nuk do të ishte keq duke parë edhe situatën që është tani.
Jonida ka rrëfyer se ka qenë tepër e ndjeshme pas lindjes dhe tregon një rast ku është mbyllur në tualet e ka qarë një orë. E pse do thoni ju?
Sepse Emi qante kur e merrte Jonida në krahë dhe pushonte sapo e merrte Besniku.
“Në fillim kur Emi erdhi në jetë kishte një lloj qetësie kur Besniku e merrte në krahë dhe pushonte, kur e merrja unë qante. Thonë që kur mamatë janë lehona kanë ndjeshmëri më të lartë. Në një situatë më ndodhi që Emi nisi të qajë dhe sapo e mori Besniku në krahë pushoi. Mamaja ime pa të keq tha që: ja pushoi në krahët e babait. Kam shkuar në banjo dhe kam qarë një orë rresht. Por kjo gjë nuk ndodh më. Emi me të dy ka momentet e veta, nuk ka më pikë xhelozie”.
Sa i përket planeve për zgjerimin e familjes, Jonida ka zbuluar ndër të tjera se nuk do dëshironte që Emi të ishte vajzë e vetme. Përkundrazi, dy motra ose një vëlla do të ishin ideal për vogëlushen.
