Në fillim të muajit gusht Aurela Gaçe publikoi videoklipin e këngës më të fundit të saj, të titulluar “Lento Lento”, e cila u pëlqye shumë nga ndjekësit e saj.
Megjithatë, pati edhe persona që nuk iu pëlqeu fakti se Aurela doli nga kornizat, madje nuk i kursyen as kritikat.
Njëri prej tyre ishte edhe gazetari Aleksandër Çipa, i cili ka shprehur pakënaqësitë e tij dhe e ka kritikuar publikisht Aurelën për tekstin e këngës.
Çipa tha se është e pakuptimtë që një artiste e madhe si Aurela Gaçe të bjerë në varfërinë e së thjeshtës pa përmbajtje, ndërsa shprehej se teksti i këngës së re i ka lënë shijen e zhargonit të Çoles.
Ditën e sotme, e ftuar në “Rudina,” Aurela u shpreh se kishte një nevojë shpirtërore që të vinte me gëzim dhe me ngjyra.
Teksa shprehet se ‘ka qarë boll’ nëpër këngë, super diva e skenës shqiptare shprehet se kishte nevojë të binte dritë.
Unë e kisha për vete nevojë shpirtërore që të vija me gëzim, të vija me ngjyra, siç e shikon dhe sot me ngjyra, është shumë e nevojshme. Domethënë edhe kur ulem në kafe me miqtë dhe kur fillojnë menjëherë bisedat me oh.. them stop, nuk dua fare të dëgjoj asnjë bisedë të tillë. Çfarë ka ndonjë bisedë që të qeshim, të argëtohemi, të flasim për gjëra të bukura sepse seriozisht kjo është një ngarkesë emocionale për të gjithë. Unë kam qarë boll nëpër këngë, kisha nevojë të qeshja, të kërceja, të sillja dritë.
Për hir të së vërtetës neve na ka pëlqyer shumë kënga dhe padyshim Aurela ka ditur se si të bëjë diferencën edhe me këtë rrymë.
