Elvana Gjata ka lumturuar fansat me postimin e saj të fundit në Instagram. Artistja njoftoi se do të organizojë një koncert në stadiumin “Air Albania” më 22 qershor.
Ajo u shpreh e emocionuar duke thënë se ka kohë që pret për të ndarë këtë lajm me fansat e saj.
Sipas saj, 22 qershori do të jetë një natë shumë e veçantë për të dhe shpreson që e tillë të jetë për të gjithë.
“22 Qershor në Air Albania Stadium, shumë muzikë në 2 dekada, për të kënduar bashkë deri në kupë të qiellit,” u shpreh Elvana.
