Jemi mësuar tashmë që çdo personazh i njohur kur ftohet në një intervistë, pyetet rreth “Big Brother VIP2”. Së fundmi Ledion Liço, i cili është bashkëshorti i produecentes së formatit Sara Hoxha, u pyet rreth formatit.
“Absolutisht e kam ndjekur! Muajin e parë pata një periudhë fiksimi, edhe pse janarin e filluam të gjithë si lehtshëm. Muajin e parë e gjeja veten si kufomë përpara një ekrani, e shikoja edhe gjëra të vogla, larjen e enëve nga dikush. Është fiksues, është i pashmangshëm. Unë pastaj vendosa me kast, sepse të merr kohë. “Big Brother”-in e sheh si tifoz”.
Drejtori i “TAR” tha se e ka një të preferuar, por zgjodhi që mos të zbulonte emrin e banorit.
Ndër të tjera ai zbuloi edhe diçka që do të ndodhë këtë të dielë në “BBV.”
“Këtë fundjavë, ditën e diel, ata të Big Brother-it do të bëjnë një program radiofonik nga shtëpia e Big Brother-it. Që do të dëgjohet në Top Albania Radio”, tha Liço, i cili duke qeshur shtoi: “Ata do të jenë një test për të parë nëse Ëake Up-in vitin që vjen do e keni prapë ju”.
