Alaudin Hamiti ishte sot i ftuar në emisionin e Rudina Magjistarit, ku foli për karrierën dhe familjen e tij.
Që në fillim, moderatori i emisionit “NiN” në Klan Kosova, u përgëzua për veshjen cool nga Rudina dhe tregoi edhe arsyen përse nuk do të vishet ndonjëherë serioz që t’i përshtatet punës.
Alaudini theksoi se ka një lloj neverie ndaj kostumeve serioze sepse për të, njerëz të veshur seriozë dhe të kamufluar në këto kostume, kanë rezultuar të paditur.
“Për mua kostumi lidhet me njerëz të këqinj! Është përvoja e të gjithë shqiptarëve sepse kostumi nuk të bën më të dijshëm e as më serioz. Puna, kreativiteti, energjia jote dhe sjellja me njerëz të bën punëtor serioz dhe ndoshta të suksesshëm.
Kostumi është kamuflazh i njerëzve të paditur që në shumë raste është dëshmuar te ne nëpërmjet politikës. Kam një lloj neverie ndaj kostumeve serioze”, u shpreh ai.
Hamiti ka treguar se për 10 vjet ka jetuar në Finlandë dhe një vizitë e tij gjatë verës në Kosovë, i ka pëlqyer atij së tepërmi dhe pikërisht aty lindi dëshira e tij për t’u kthyer në Kosovë.
https://www.instagram.com/p/B8OvdAkn7FE/
