Që prej 1 majit 2022, qeveria detyroi kalimin e shërbimeve online në platformën qeveritare në dorë të oligarkëve, mirëpo as sot që flasim bizneset e vogla nuk kanë parë asnjë lehtësim nga ky vendim.
Në anketën e zhvilluar nga Këshilli i Investimeve për cilësinë e shërbimeve publike digjitale sipas këndvështrimit të biznesit, rreth 72% e sektorit raportojnë se praktikat korruptive nuk janë reduktuar. 79% e tyre thonë se nuk është lehtësuar as barra administrative.
Rreth 325 bizneset e përfshira në anketë nga shërbimet që e-Albania ofron, ankohen se ka vonesa në marrjen e shërbimit, ka vështirësi në ndërveprimin me institucionet dhe shprehen të shqetësuar edhe për sigurinë e të dhënave.
Bizneset e vogla kërkojnë rihapje të pikave fizike për përftimin e shërbimeve për arsye të pamundësisë së përdorimit të platformave online, apo edhe mungesës së mbështetjes institucionale.
Kjo nuk është hera e parë që qytetarët apo bizneset raportojnë problematikat e portalit qeveritar e-Albania, që ka në duar të dhënat e çdo qytetari dhe së shpejti kërkon të kontrollojë gjithashtu edhe të gjitha të dhënat tona bankare!
