Në një marrëdhënie shpesh është e vështirë që të gjesh të përbashkëtat dhe se çfarë është e preferuar për njërin partner dhe çfarë për tjetrin.
Detajet në një marrëdhënie janë ato që i japin edhe kuptim asaj.
Puthja është një ndër këto detaje që ka një rëndësi të veçantë nëse flasim për një çift. Ajo është e ndryshme për partnerë të ndryshëm.
Meshkujt dhe femrat kanë preferenca të ndryshme në lidhje me llojin e puthjes.
Studimet më të fundit të realizuara në lidhje me këtë tregojnë se meshkujt më shumë i dëshirojnë puthjet e lëngëta që përfshijnë edhe gjuhën dhe gojën e hapur, ndërsa femrat shpesh ankohen për shkak të puthjeve të tilla.
Për burrat goja e hapur bën të mundur që femrave t’u “dozojnë” sasi të vogla hormonesh të cilat ngrenë libidonë që barten me anë të pështymës.
Një detaj i rëndësishëm është edhe puthja e parë e cila mbetet në memorie. Thuhet se femrave më lehtë u kujtohet puthja e parë se sa seksi i parë. Nuk dihet saktë përse është kështu, mirëpo disa ekspertë besojnë se kjo ka lidhje me faktin që puthja e parë është akti i cili e fut njeriun në botën e seksualitetit.
