Shkencëtarët thonë se kanë bërë një zbulim potencial për të identifikuar sëmundjen e rëndë të kancerit të gjirit tek pacientët. Sipas ekspertëve kjo mund të realizohet përmes ruajtjes së indeve të gjirit jashtë trupit për të paktën një javë.
Si mund të arrihet kjo metodë?
Studimi zbuloi se indet mund të ruhen në një masë të veçantë xheli të quajtur “Vitro Gel” e cila do t’i ndihmojë shkencëtarët të identifikojnë trajtimet më efektive të barnave për pacientët.
Ekspertët gjithashtu zbuluan se indi i ruajtur i gjirit ruan strukturën e tij, llojet e qelizave dhe aftësinë për t’iu përgjigjur një sërë ilaçesh në të njëjtën mënyrë si indet normale të gjirit.
Ky hulumtim mund të forcojë zhvillimin e barnave të reja për të trajtuar dhe parandaluar kancerin e gjirit, pa pasur nevojë për testime te kafshët.
Në nivel global, kanceri i gjirit është forma e dytë më e zakonshme e kancerit, duke zënë 11.6% të rasteve të kancerit të sapo diagnostikuar, pas kancerit të mushkërive që përbën 12.4% të rasteve të reja.
Megjithatë, shkalla e mbijetesës është përmirësuar ndjeshëm me gratë e diagnostikuara me kancer të hershëm të gjirit, me 66% më pak gjasa për të vdekur prej tij sesa 20 vjet më parë.
View this post on Instagram
Burimi: Ky hulumtim është botuar në “Journal of Mammary Gland Biology and Neoplasia”! Hannah Harrison, një studiuese në Universitetin e Manchester, tha se zbulimi do t’i ndihmonte shkencëtarët të testonin barnat më të përshtatshme në indet e gjalla për trajtimin dhe parandalimin e kancerit të gjirit.
