Argjend Rraci, ish-konkurrenti i “Për’puthen 3”,ishte i futar te emisioni ‘N’Kosovë Show’ ku u ndal të fliste për eksperiencën e tij në programin e dashurisë.
Ai u pyet nga moderatori Shpëtim Desku nëse konkurrentët e formateve të tilla ja vlejnë të merren shembull dhe përgjigjen e Argjendit, si pjesmarrës, nuk e prisnim.
“Unë për vete jam mundu sa jam kon brenda me dhon nji shembull të mirë, mos me dal prej vetes, mos me kalu në ofendime, me tregu nji lloj kulture, nuk e di sa ja kam arrit. Ama kasti i atij programi aty brenda unë refuzoj të them se ajo është shoqëria shqiptare, sepse nëse shoqëria shqiptare janë të atij niveli që shohim ne ndonjëherë aty brenda, na mori lumi.”,- tha ai.
Kur u pyet se përse doli, Argjendi tha se nuk po i jepte më asgjë ai program.
“Mund të kisha nejt edhe ma gjatë, por nuk pashë asgjë interesante ose dritë në tunel më aty brenda. Pëlqimi aty brenda po zhdukej dhe unë takova dikë jashtë që po më lindte një pëlqim dhe ja thashë edhe produksionit.Vajza është e Kosovës, e kam njohur nëpërmjet Instagramit, kemi pasë një bisedë normale e të lezetshme.”,- tregoi Argjend Rraci.
