Të gjithë shqiptarët iu bashkuan dhimbjes së familjarëve të Klodianit këto ditë. I ati i të ndjerit ka dhënë disa intervista deri tani duke ndarë me ne dhimbjen që e ka kapluar dhe duke kërkuar drejtësi.
View this post on Instagram
Ndërkohë ditën e sotme ka reaguar edhe nëna e 25-vjeçarit e cila në një prononcim për mediat jashtë kamerave, ka rrënqethur me fjalët teksa ka thënë se ishte ajo vetë që i kishte dhënë lekët të dilte të blinte cigare. Ajo është shprehur se ai kishte me vete telefoni dhe dy hurma në dorë.
E pikëlluar, e ëma tha se ajo e ka parë momentin kur ai ka dalë po pastaj ka fjetur duke menduar se ai ishte kthyer, deri kur në orën 4 të mëngjesit i komunikuan se ai kishte humbur jetën .
Ndër të tjera ajo ka thënë se ai ishte më i urti dhe më i qeti nga 3 djemtë që ka, dhe nuk e imagjinon dot që të kishte armë, sepse përherë ka pasur frikë nga policia, dhe prandaj ajo mendon se kjo ka qenë arsyeja e panikut të tij.
Klodiani nuk ka pasur maskë, pasi ajo thotë se ai shprehej shpesh se i merrte frymën.
Mbrëmjen e djeshme, kryeqyteti u përfshi në protestë masive ku qytetarë të shumtë u mblodhën para Ministrisë së Brendshme duke kërkuar dorëheqjen e ministrit Sandër Lleshaj.
Më pas ata u zhvendosën drejt Kryeministrisë, ku kanë tentuar të hyjnë brenda por nuk ia kanë dalë. Në orën 22:00 protestuesit marshuan drejt shtëpisë së Klodian Rashës, ku edhe ndezën qiri në kujtim të 25-vjeçarit.
View this post on Instagram
Protesta ishte e dhunshme pasi u dëmtuan dhe dogjën disa objekte si edhe u lënduan 9 efektivë, 3 prej të cilëve u shtruan në spital në gjendje të rëndë, pasi kanë marrë dëmtime serioze në kokë dhe në trup.
Sakaq, protesta paqësore pati edhe në qytete të tjera, si Vlorë, Elbasan, Durrës, Gjirokastër, Berat.
Ngjarja e rëndë ndodhi dy ditë më parë në Laprakë, kur efektivi qëlloi dy herë me armën e shërbimit të riun, pasi nuk pranoi të ndalonte kur i bëri thirrje. Klodian Rasha u qëllua në shpinë sipas ekspertizës paraprake dhe ka ndërruar jetë në vendngjarje.
