E veshur me një bluzë me mëngë të shkurtra të kuqe dhe me flokë të zeza, Amal Alamuddin tregon elegancën dhe klasin, që e bëri atë nxënësen më të shkëlqyer në shkollë dhe gruan e ardhshme të aktorit më të dëshiruar të Hollivudit, George Clooney.
Avokatja 37-vjeçare e suksesshme e të drejtave të njeriut dallon në fotografitë e para të publikuara nga gjimnazi në Amersham, Buckinghamshire.
Fotografia u realizua në vitin 1996, kur Amali ishte 17 vjeçe dhe gati për të hyrë në Universitetin e Oksfordit, për të studiuar Drejtësi.
Ndërsa bukuroshja libaneze dukej mahnitëse, burri i saj i ardhshëm George ishte duke ia fituar zemrën të gjithëve me rolin e tij si Dr. Doug Ross në dramën ER.
Për rastësi ai ishte në një lidhje me një tjetër studente të Drejtësisë, Celine Balitran, pasi u divorcua nga gruaja e tij e parë, Talia Balsam, në vitin 1993.
Shumica e atyre që studiuan me Amal në Kolegjin St. Hugh të Oksfordit e kujtojnë atë si nxënëse të përkushtuar, e cila do t’i kalonte netët duke debatuar për të drejtat e njeriut ose për të studiuar në dhomën e saj.
“Nofka e saj në Oksford ishte “Vetëm kauza”, sepse tema e saj e preferuar e bisedës ishte për interesat e saj të ndryshme politike”, tha një mik i kolegjit.
Dhe studimi i saj i zellshëm u pagua pasi ajo fitoi një vend në Shkollën e Drejtësisë NYU dhe tani është një nga avokatet më të shquara të të drejtave të njeriut në botë.
Gjimnazi Dr. Challoner, ku filloi gjithçka, nuk i harroi kurrë arritjet e saj, duke e përmendur shpesh dhe duke e vendosur në mesin e listës së të dimplomuarve të famshëm.
Ata kanë shkruar: “Amal Alamuddin, avokatja e suksesshme e të drejtave të njeriut dhe aktiviste, e cila u emërua në një numër komisionesh të Kombeve të Bashkuara, duke përfshirë edhe rolin e këshilltares për Sirinë, është një tjetër vajzë e famshme e Challoner”.
Amal u martua me yllin e Hollivudit, 56-vjeçarin George në 2014-n.
“Në moshën 52-vjeçare gjeta dashurinë e jetës sime”, tha në atë kohë aktori.
Çifti tani ka dy binjakët Ella dhe Alexander.
