Së fundmi janë publikuar fotot ku shihet Pedro Pascal duke dalë nga një darkë me Jennifer Aniston, ndërsa thashethemet për një lidhje romantike mes tyre janë rindezur (Lexo këtu). Sipas “TZM”, dy yjet nuk janë në një lidhje romantike, gjë që aktori e ka konfirmuar përmes deklaratave që ka bërë.
Pedro Pascal komentoi me humor thashethemet se ai është lidhur me Jennifer Aniston, duke thënë se thjesht “i pëlqen shkëlqimi i saj ”. Duke folur me Denny Directo të ET në premierën e sezonit 2 të “The Last of Us”, premierë më 13 prill, aktori sqaroi se të dy janë thjesht miq.
Sipas “Daily Mail”, Pedro Pascal dhe Jennifer Aniston darkuan për më shumë se tre orë në restorantin The Tower Bar në hotelin Sunset Tower, në West Hollywood. Edhe pse mbërritën dhe u larguan veçmas, paparacët i kapën duke biseduar jashtë parkingut para se të ndaheshin.
