“Ka muzikë, ka vallëzim”/ Lady Gaga zbulon detaje të reja rreth filmit “Joker 2”

Lady Gaga ka lavdëruar regjisorin Todd Phillips për “guximin dhe kompleksitetin” e vazhdimit të pritur të filmit “Joker, Joker: Folie à Deux”.

Gaga, 38 vjeçare, e lindur me emrin origjinal Stefani Germanotta, do të shfaqet në film si Harleen “Lee” Quinzel, një version i supervillainit Harley Quinn, përballë Joaquin Phoenix, 49 vjeç, i cili ripërsërit rolin e tij si Arthur Fleck dhe alter-ego i tij villain Joker.

Lexo edhe :

Përplasen ashpër Xuxi dhe Driloni, paralajmërimi: Kam për ta prishur karrierën

18:00 03/12/24

Ndërron jetë në moshën 69-vjeçare, Debbie Nelson, nëna e Eminem

17:20 03/12/24

Në një intervistë për Variety, Gaga tha: “Todd ka bërë një përpjekje të madhe me këtë koncept të tërësishëm dhe me skenarin, duke i dhënë vazhdimit të Joker-it këtë guxim dhe kompleksitet”, shkruan The Independent.

“Ka muzikë, ka vallëzim, është një dramë, është gjithashtu një dramë gjyqësore, është një komedi, është e lumtur, është e trishtuar. Është një testament për [Todd] si regjisori, që ai do të preferonte të ishte krijues sesa të thoshte vetëm një histori tradicionale të dashurisë”, tha Gaga.

Në pjesë të tjera të intervistës, Phillips, 53 vjeç, ofroi detaje të mëtejshme mbi aspektin muzikor të filmit.

Phoenix dhe Gaga do të interpretojnë këngë dhe valle ndërsa këndojnë këngë klasike si “Get Happy,” “For Once in My Life” dhe “That’s Life,” por regjisori thotë se nuk do ta klasifikonte strikt filmin si një muzikal.