Miqësia mes këngëtares Dafina Zeqiri dhe stilistes kosovare Lia Stublla, dukej se nuk do të përfundonte kurrë.
Mirëpo pas largimit të Dafinës në SHBA, mediat raportuan se dy vajzat ndërprenë çdo lloj marrëdhënie me njëra-tjetrën. Zërat u përforcuan edhe më shumë pasi stilistja kosovare, nuk ia besoi imazhin e kompanisë më këngëtares Dafina Zeqiri.
E ftuar në emisionin “Rudina” në televizionin “Klan”, stilisja Lia Stublla foli për herë të parë për marrëdhënien me këngëtaren.
“Dafina ka qënë dhe është një artiste shumë e madhe dhe gjithmonë jam kujdesur t’i ofroj një vëmendje të veçantë. Në çdo sezon, stilonim më shumë se 60 deri në 70 veshje për koncertet e saj.” – tregoi stilistja.
Stilistja kosovare konfirmoi se mes tyre nuk ka më asnjë lloj komunikimi, e miqësia i përket vetëm të shkuarës.
“Dafina momentalisht ka shumë sukses, ashtu siç edhe LS është duke pasur sukses. Kështu që po shijojmë sukseset ndarasi. Ne e ndihmuam njëra-tjetrën në kohën kur kishim nevojë.” – përfundoi Lia Stublla.
