Emma Stone është bërë nënë për herë të parë para pak muajsh! Aktorja e njohur ka sjellë në jetë fëmijën e saj të parë me bashkëshortin Dave McCary. Lajmin e ardhjes në jetë të babushit e ka bërë të ditur para disa kohësh “TMZ” përmes burimeve pranë aktores.
Në fakt, sipas TMZ, fëmija ka ardhur në jetë në 13 mars në Los Angeles teksa u bë e ditur se ajo lindi një vajzë, siç konfirmoi edhe revista “People”.
Së fundmi “TMZ” ka bërë të ditur emrin e vogëlushes që ka ardhur në jetë prej 2 muajsh. Ajo quhet Louise Jean McCary dhe me këtë emër, aktorja vazhdoi një traditë familjare. Stone dhe nëna e saj, Krista, të dyja e kanë gjithashtu emrin e dytë Jean.
Kujtojmë se në fund të marsit, një burim i afërt me Emma Stone i tha People:
“Emma dhe Dave kanë një martesë të shkëlqyeshme dhe të dy dëshironin një fëmijë. Ata janë një çift shumë privat dhe ishin gati për një familje. Ema është e afërt me familjen dhe miqtë e saj të mirë, por jo tip që të lë pas dore jetën e saj personale. Dave e respekton atë për të dhe është e njëjta mënyrë. Ata kanë një jetë të shkëlqyeshme së bashku dhe mbështesin njëri-tjetrin. Ajo është një profesioniste që e do dhe merr frymë me punën e saj, por nëse dikush mund të jetë i mirë në të dy, është Ema. Ajo është një person i talentuar në të gjitha mënyrat”- tregoi burimi.
