Motrat Kardashian janë gjithnjë në vëmendje të publikut dhe medias. Çdo veprim i tyre bëhet kryefjala e mediave rozë. Së fundmi diçka e tillë ka ndodhur me një nga yjet e “Keeping Up With The Kardashians.” Khloe Kardashian mendohet të jetë duke përjetuar një romancë me ish-partnerin e së motrës, Kourtney.
Së fundmi, Khloe postoi një foto në profilin e saj në “Instagram” ku dukej mjaft joshëse veshur nga linja e markës së Kim Kardashian, “SKIMS”. Në pamje të parë duket një foto normale për të ndihmuar edhe promovimin e linjës së veshjeve të krijuar nga e motra, por komenti i Scott Disick do t’ju bëjë t’i riktheheni edhe një herë postimit të saj.
“Dukesh shumë mirë”, komentoi Disick.
View this post on Instagram
Ndjekësit filluan të aludojnë se diçka po ndodh mes tyre, por kishte dhe nga ata që mendonin se Scott thjesht dëshironte të tregohej i sjellshëm ndaj ish-kunatës duke i lënë asaj një koment dashamirës. Ata që e kanë ndjekur serialin e njohur “Keeping Up With The Kardashians” e dinë fare mirë se Scott dhe Khloe kanë pasur një marrëdhënie tepër të ngushtë me njëri-tjetrin edhe pas ndarjes së tij me Kourtney Kardashian. Tashmë, Kourtney është fejuar me partnerin e saj aktual, Travis Barker dhe janë tepër të lumtur së bashku.
