Një 15-vjeçare është shpallur “Fëmija i Vitit” nga revista “Time” në më shumë se 5 mijë të nominuar në SHBA. Gitanjali Rao ka shpikur një pajisje që identifikon përqindjen e plumbit në ujë të pijshëm dhe një aplikacion që zbulon ngacmimet në internet.
15-vjeçarja është shprehur se shpreson shumë që të frymëzojë njerëz të tjerë në të ardhmen për të zgjidhur disa nga problemet me të cilat po përballet sot bota.
“Nëse unë mund ta bëj atë, edhe ti mund ta bësh atë dhe çdokush mund ta bëjë atë. Qëllimi im me të vërtetë është jo vetëm krijimi i pajisjeve për të zgjidhur problemet e botës, por duke frymëzuar të tjerët të bëjnë të njëjtën gjë gjithashtu”, është shprehur ajo.
Ajo ka bashkëpunuar me disa shkolla, muzeumet, organizatat e shkencës, teknologjisë, inxhinierisë dhe matematikës dhe institucione të tjera për të drejtuar seminare inovacioni për mijëra studentë të tjerë.
