Pa kaluar dy javë që nga ndarja e tyre, e cila u komentua shumë nga media rozë, Justin Bieber shfaqet me një bionde në krah.
Edhe pse ditët e fundit ai është fotografuar i dëshpëruar, ka mjaftuar një mbrëmje në shoqërinë e disa vajzave, për të harruar Selena Gomez.
24-vjeçari dukej në formë shumë të mirë dhe është shfaqur i buzëqeshur pranë një vajze bionde, identiteti i së cilës nuk është zbuluar.
Ajo nuk e fshehte dot emocionin, ndërsa ishte shumë e buzëqeshur. Gjithashtu ishte e vështirë të mohoje ngjashmërinë e saj me ish-in e Bieber, modelen Sofia Richie.
Ata kanë shijuar një mbrëmje me pije dhe muzikë të mirë, por se çfarë ka ndodhur më pas, askush nuk e di.
Një burim ka thënë më herët për “Us Weekly”: “Selena dhe Justin vendosën që të bënin një pushim, për shkak të nënës së këngëtares dhe mospranimit të saj për Justin”.
Më pas një burim për TMZ tha se, kjo nuk ishte e vërtetë, por çifti kishte disa debate që nuk mund t’i zgjidhnin lehtë.
Kur Justin u pyet para disa ditësh për Selena Gomez, ai tërhoqi me forcë derën e makinës dhe i dha gaz.
Burimi: Daily Mail
