Deri në vitin 2013, jeta dhe suksesi i tij po shkatërroheshin nga numri i pafund i veprash penale që po bënte gjithandej.
Mediat raportonin një sërë veprimesh për të cilat sot, Justin Bieber nuk ndihet aspak krenar si, gjuajta me vezë e shtëpisë së komshiut, urinimi në kovë në publik, vizita në një bordello në Brazil, dhe blerja e një majmuni që u kap në doganën në Gjermani.
Sot ai i pranon të gjitha këto budallallëqe që ka bërë dhe shprehet për “Vogue” se shpeshherë ka rrezikuar edhe jetën duke e tepruar me jetën e shthurur dhe përdorimin e Xanax-it.
“E gjeja veten duke bërë gjëra për të cilat më vinte shumë turp dhe mendoj se përdorja Xanax sepse ndihesha i turpëruar. Nëna ime gjithmonë më thoshte t’i trajtoja femrat me respekt. Për mua kjo ishte gjithmonë në kokën time dhe ndërsa po veproja në këtë mënyrë, nuk mund ta shijoja kurrë. Droga vë një ekran midis meje dhe asaj që po bëja. Ishte shumë e errët. Unë mendoj se ka pasur raste kur rojet e sigurisë vinin vonë natën për të kontrolluar pulsin tim dhe për të parë nëse po merrja ende frymë “.
Në intervistën e dhënë për “Vogue”, Justin shprehet se është shumë i paqëndrueshëm emocionalisht dhe e sheh partneren e tij Hailey si gjënë më pozitive që i ka ndodhur në jetë:
“Unë jam emocionalisht i paqëndrueshëm, luftoj me gjetjen e paqes. Ndjehem sikur e vras shumë mendjen dhe dua që gjërat të jenë të mira dhe që njerëzit të më pëlqejnë. Hailey është shumë logjike dhe e strukturuar, për të cilat kam nevojë. Unë kam kërkuar gjithmonë siguri – që kur babai im largohej kur isha fëmijë dhe ishte vazhdimisht në udhëtim. Me jetesën që bëj, çdo gjë është kaq e pasigurt. Më duhet një gjë që është e sigurt. Dhe kjo (i merr dorën Hailey-t) është bebi im i vogël “.
