Justin Bieber përflitet se i është rikthyer romancës së tij me modelen Ashley Moore. Këngëtari i “What Do You Mean” u fotografua duke shijuar një shëtitje me bukuroshen brune nga Los Angeles gjatë fundjavës, vetëm pak ditë para ditëlindjes së tij.
Justin, i cili feston sot 23-vjetorin e lindjes, është fotografuar me modelen teksa buzëqeshnin me njëri-tjetrin, si edhe duke bërë gara se kush vraponte më shumë.
Por një nga detajet që na bëri më shumë përshtypje është kombinimi i streçeve me pantallonat e shkurtra. këngëtari duket se ka hequr dorë nga pantallonat me bel poshtë, duke sjell një tjetër trend në modë.
Kjo nuk është hera e parë që Justin Bieber ka lënë të nënkuptohet se është në një lidhje me modelen 23-vjeçare. Dyshja, e cila raportohet të jetë njohur nga miku i përbashkët Lil Twist, është përfolur për një lidhje në vitin 2013.
Por në mars të 2015-s, Justin dhe Ashley u fotografuan sërish teksa ishin duke parë një ndeshje basketbolli.
Burimi: TMZ
