Shumë njerëz nuk e kanë pritur mirë shakanë që Justin Bieber bëri me rastin e Ditës së Gënjeshtrave, 1 Prill.
Këngëtari 25-vjeçar postoi një imazh me ultratinguj në Instagram pa asnjë shpjegim të hënën, gjë që dha përshtypjen se ai dhe bashkëshortja Hailey Baldwin ishin duke pritur fëmijën e tyre të parë së bashku.
Justin e përforcoi edhe më tej shakanë kur postoi foto të bashkëshortes së rrethuar nga disa mjekë profesionistë që po preknin barkun e saj.
Menjëherë pas këtyre fotove Justin Bieber më në fund rrëfeu se ishte një shaka e 1 Prillit me një foto të një ekoje me një qenush në mes.
Dhe kur u kuptua e vërteta, kjo shaka shkaktoi një valë komentesh nga fansat që u zhgënjyen nga Justin për shaka të tilla.
Shumë prej komentuesve i vinin në dukje këngëtarit se nuk duhej të bëjë shaka me shtatzëni, pasi ka femra që kanë humbur fëmijë ose që nuk mund të mbeten dot shtatzënë.
“Si një grua që nuk mund të bëjë dot fëmijë, e shoh këtë gjë të neveritshme. Kjo tregon vetëm sa të papjekur jeni akoma. A do të quhej Karma nëse nuk mund të bënit fëmijë? Unë shpresoj që të paktën të keni ndershmërinë për të kërkuar falje për një akt kaq të pakujdesshëm dhe të neveritshëm!”, shkruante një komentuese.
“Gjithnjë të kam dashur ty dhe muzikën tënde, por pas kësaj jo më”, i shkruante një tjetër.
Deri më tani Bieber nuk u është përgjigjur këtyre komenteve, edhe pse postimi vijon të jetë në Instagram.
