Gjatë këtyre ditëve, rrjeti ka kryqëzuar jurinë e spektaklit “T’ka mami yll”, konkretisht Albi Nakon dhe Erjona Rusin.
Koreografi dhe gazetarja u sulmuan pafund për fjalët e tyre bullizuese kundrejt Lianës, vajzës 8-vjeçare për shkak të peshës.
View this post on Instagram
Në lidhje me këtë gjë ka reaguar dhe moderatorja e emisionit, Ilda Bejleri, e cila nëpërmjet një postimi në InstaStory ka dhënë dhe ajo një “përgjigje”.
Ajo ka ndarë me ndjekësit e saj një video të sajën me 8-vjeçaren, krahas të cilës ka shkruar se “yllin”, siç e quan ajo, do ta ketë bashkëprezantuese.
“Edhe pse kemi të përbashkët që na pëlqen të hamë gjërat që duam, përsëri ëndrrat tona do i çojmë deri në fund”, ka shkruar Ilda duke i bërë tag dhe anëtarëve të jurisë.
Po ashtu, një reagim për këtë ka bërë edhe Erjona Rusi, e cila ka kërkuar një falje publike.
“Liana është çokollata, karamelja, apo edhe puftja që e kam dashur që sa e pashë.
Batutë e gabuar ajo që patë në emision? Patjetër që po. Por kurrësesi bullizëm. Nuk do guxoja kurrë të denigroja një fëmijë për asnjë arsye e jo më për shkak të peshës dhe nuk e kam bërë këtë. Nëse nuk e keni përjetuar vetë, hapni fjalorin e shiheni mirë përkufizimin e bullizmit.
E dyta nëse do kishit parë gjithë bisedën e zhvilluar me atë fëmijë që kur vjen do kuptonit që ajo fjali vjen pasi folëm për “sufllaqen” që Lijana kërkoi. Dhe unë nuk jam as idiote e as monstër që ti them një fëmije rri pa ngrënë gjithë ditën vetëm që të kërcesh. Por a do hiqte dorë nga sufllaqja, pra ushqimi që ishte përmendur. Por ne kemi xhiruar mbi 5 orë e jo çdo gjë del në transmetim.
Ndaj po, kam gabuar në mënyrën e të shprehurit, por nuk do ti kërkoja askujt falje përveçse Lijanës e prindërve të saj. Këta të fundit duan vetëm që fëmija i tyre të heqë dorë nga këto ushqime ndaj e kanë sjellë në Akademi që të bëhet më e ndërgjegjshme dhe të stërvitet.
Kështuqë si konkluzion: Duke u bazuar tek një fjali ju mund të bëni një fushatë të tërë denigruese dhe të mallkoni sa të mundeni pa marrë parasysh asgjë tjetër.
Gjithësesi unë sa herë ta shoh “karamelen”, do vazhdoj ta përqafoj e do ti them të heqë dorë nga sufllaqet e picat se i bëjnë dëm.Për mua Lijana është një fëmijë special dhe e kam dashur që në sekondat e para të atij programi (për kë e ka ndjekur që në fillim) ndërsa ju po e ripostoni atë video duke e viktimizuar pafund Lijanën.
Kush po bën bullizëm në fakt????”,- ka shkruar ajo në rrjetin social Instagram, duke e shoqëruar me foton kryesore.
