Julina Deda ishte i ftuar dje në emisionin e pasdites “Rudina” ku foli për karrierën e tij artistike, por edhe për jetën personale. Një pasdite e mbushur me të qeshura dhe nuk kishte si të ndodhte ndryshe me aktorin e njohur të humorit.
Teksa emisionit po i vinte fundi Juli bëri një gjest që shkaktoi shumë të qeshura. Ndërsa Rudina e falënderoi për prezencën e tij ne emision, aktori iu drejtua dhe i tha: “Po urime për studion e re se harrova”.
Rudina u përpoq t’i sqaronte se kjo studio po bëhej e vjetër sepse kishte 2 vite që nuk ishte ndryshuar, mirëpo Juli insistoi që për të ishte e re sepse kjo ishte hera e parë që ai ishte i ftuar në këtë studio. Dhe si për çudinë e të gjithëve ai nxjerr nga xhepi 10 mijë lekë të vjetra duke thënë se tradita shqiptare e kërkon kështu kur shkon për herë të parë në një vend.
Pikërisht ky gjest bëri që Rudina të shpërthente në të qeshura, ndërsa Juli bëri të ditur me shaka se lekët do t’i merrte përsëri në fund të emisionit.
