Turjan Hysko nisi një rrugëtim të ri të karrierës së tij pranë televizionit “Klan Plus”, e duket se ka marrë me vete edhe stafin e “Apartamentit 2XL”.
Është aktori Julian Deda, i cili përmes një statusi në profilin e tij në “Facebook”, ka konfirmuar largimin e tij dhe të stafit nga televizioni “Vizion Plus”. Teksa shpreh se largimi është pa hatërmbetje, aktori paralajmëron se shfaqja do të vazhdojë në një tjetër televizion në sezonin e ri.
“Kështu vjen ky moment, që duhet parë çfarë vjen përpara dhe ajo që vjen është akoma më e rëndësishme se e kaluara. Bashkë me stafin po nisim një rrugëtim të ri në një tjetër televizion. Për mua është një rikthim dhe sigurisht përgjegjësia për të bërë diçka të mirë dhe të suksesshme është e madhe. Me ndihmën dhe përkrahjen e publikut jam i bindur se do ja dalim të vëmë një tullë të re në karrieren tonë dhe sigurisht në pervojën televizive shqiptare. Shfaqja vazhdon, na shkoftë mbarë…!”, – shkruan aktori Julian Deda në profilin e tij në “Facebook”.
