Julian Deda është një nga aktorët më të njohur të humorit shqiptar, i cili prej shumë vitesh ka qënë afër publikut në spektaklet e humorit.
Ai është mjaft aktiv në rrjete sociale dhe si i tillë pak orë më parë, në prag të ndërrimit të viteve Juli ka vendosur të kryejë disa falenderime që i takojnë vitit që po lemë pas.
“10 falenderimet e 2018-ës.
1. Faleminderit familjes sime, prindërve, bashkëshortes, fëmijeve dhe vëllait, të cileët bashkë me profesionin janë gjithçka për mua, janë pasuria dhe siguria ime më e madhe.
2. Faleminderit Turjan Hyska për bashkëpunimin, i cili do zgjasë deri sa ta vendosim ne të dy dhe askush tjetër.
3. Faleminderit stafit dhe sidomos kolegëve të Duplex, pa të cilët karriera ime s’do kishte kuptim. Bashkë jemi më të fortë.
4. Faleminderit spektatorit tonë të mrekullueshëm, pa mbështetjen e të cilit unë as nuk do ta ëndërroja të isha sot këtu ku jam. Mirënjohje për ju, jeni më të mirët.
5. Faleminderit familjes së madhe të Tv Klan për besimin, për krijimin hapësirës së nevojshme për të ushtruar profesionin lirisht.
6. Faleminderit miqve te mi jashtë skene për miqësinë e tyre, që për mua vlen aq shumë sa e bën floririn të duket një cope tulle e pavlerë para tyre.
7. Faleminderit banorëve që protestuan për të mbrojtur shtëpitë e veta, sepse na treguan se si pasuria e vënë me djersë, mbrohet me jetë.
8. Faleminderit studentëve, të cilët na zgjuan nga gjumi, na shkundën nga monotonia dhe na dhanë një super mësim duke na treguar se qendresa nuk të lodh nëse je në të drejtën tënde.
9. Faleminderit Genc Sejkos dhe shqiptarëve të diasporës, të cilët treguan se një nga vlerat njerëzore është pikërisht kthimi i kokës mbrapa për të parë se nga vijmë dhe se si mund t’i shërbejmë me aq sa mundemi vendlindjes sonë.
10. Faleminderit Zot” – ka shkruar Juli në Instagram.
https://www.instagram.com/p/BsBBHNuBxK7/
