Ngjyrat kanë fuqinë e tyre magjike për t’u dërguar një mesazh njerëzve që takoni. Mund të shprehin një ndjesi gëzimi apo të heqin humori e keq, ashtu siç bën një buzëkuq i ndezur.
Mbi të gjitha të veshësh ngjyra, veçanërisht përmes aksesorëve, është një mënyrë brilante për t’u dalluar mes turmës dhe për të shprehur personalitetin tuaj.
Është një mënyrë personale e përcjelljes së ndjesive të bukura dhe energjive pozitive për njerëzit përreth. Ky është qëllimi i koleksionit të ri të “Swarovski”-t, pranverë/verë 2018, i cili ndodhet tashmë në Shqipëri në dy dyqanet e tij, në Qendrën Metropol, rr. “Sami Frashëri” dhe në TEG.
Romantike, moderne, e lumtur dhe plot “glamour”: kështu duket femra e 2018-s përmes këtij koleksioni. Mos harroni mund të bëni të ndihet e tillë personi që do të surprizoni në ditën e të dashuruarve.
Vajza flutur
Varëset, vathët, byzylykët apo unazat me dizajnin e fluturës, do t’ju bëjnë të ndiheni edhe ju e tillë.
Koleksioni “Lilia” është i frymëzuar nga natyra dhe ngjyrat e ylberit, ndërsa shkëlqim i japin kristalet “Swarovski”. Përveç se është një dizajn shumë tërheqës, bizhuteritë me flutura nënkuptojnë lirinë, rilindjen, durimin, dashurinë dhe lumturinë.
Vajza e ngjyrave
Magjia shtohet me ngjyrat e forta dhe të guximshme. Varëset “Locket” jo vetëm që do të gjallërojnë paraqitjen tuaj, por të mbajnë një kujtim tuajin shumë të çmuar: një foto. Imazhi i personit tuaj të zemrës vendoset në pjesën e brendshme të varëses, ndërsa jashtë është e mbuluar me kristalet “Swarovski”.
Vajza e luksit
Këtë emër nuk do ta merrni nga çmimi i bizhuterive, por nga dizajni i veçantë i koleksionit “Lace” i dizajnuar nga Jason Wu “Prisma”. Koleksioni mishëron hijeshinë dhe finesën e stilit të veçantë të dizajnuesit, ndërsa krijojnë një prekje luksoze dhe të përjetshme.
Cila është e duhura për ju, ose për personin që do t’ia dhuroni, zbulojeni nga afër ndërsa prekni dhe shijoni bukurinë e koleksionit.
Burimi: Iconstyle.al
