“Latex”-i është një material i vështirë për t’u veshur. Është i shkëlqyeshëm, i parehatshëm dhe ju tregon çdo defekt të trupit. Është më shumë diçka seksuale, sesa magjike dhe nuk është i preferuari i të gjithave, por trendi i fustanit “latex” në mënyrë të habitshme po zgjidhet gjithnjë e më shumë nga femrat e njohura.
Të paktën 6 janë të famshmet për publikun shqiptar, që u shfaqën me një fustan stil “latex”, një trend i nisur nga Kim Kardashian.
Rita Ora
Ishte këngëtarja me famë botërore, shqiptarja e parë që u shfaq me një fustan të tillë të markës “Atsuko Kudo”, në shkurt të 2015-s.
Madje, ajo bëri “xing” me Kim Kardashian në të njëjtin event në klubin e natës “Annabel” në Londër, pasi të dyja u shfaqën me një fustan rozë pastel me material “latex”. Fustani i saj kushton 433 paund, pa TVSH-në.
Lori Hoxha
Pasi u shfaq Kim Kardashian, Lori Hoxha vendosi që ta provonte në trupin e saj një fustan të tillë. Ajo zgjodhi fiks të njëjtin fustan si ylli i rrjeteve sociale të markës “Atsuko Kudo”, me një çmim prej 300 paund.
Bleona Qereti
Këngëtarja u shfaq me fustanin e guximshëm “latex”, në tetor të 2016-s, ndërsa ishte e ftuar në emisionin e Ermal Mamaqit. Bleona u shpreh në atë kohë në mënyrë ironike: “Kujdes fustanin se është shumë i shtrenjtë”.
Fustani i markës “Atsuko Kudo” kushton vetëm 282 paund. Këtë fustan mund ta porosisni edhe online dhe nuk futet në listën e fustaneve të shtrenjta.
Poni dhe Arbana Osmani
Dy personazhet e njohura publike bënë “xing” me të njëjtin fustan, por jo në të njëjtat dalje.
Ishte fillimisht Poni, ajo që u shfaq në dhjetor të 2016-s në rrjetet sociale, me fustanin “latex” nga firma “House Of CB”, ngjyrë vishnje.
Fustanin që kushton 156 euro, në prill të 2017-s, Arbana zgjodhi ta vishte për një nga netët e prezantimit të “Big Brother”.
Elhaida Dani
Ajo nuk njihet si një personazh që guxon me veshjen, por një fustan “latex” duhet ta provojnë të gjithë. Elhaida pozoi me një të tillë nga marka “Oh Polly” në shtator të 2017-s. Ndryshe nga femrat e përmendura më sipër, fustani i saj mund të blihet nga të gjitha, pasi kushton vetëm 50 euro.
E tunduar? Epo kjo veshje nuk është e lirë. Kështu që, jo vetëm duhet të jeni të guximshme për ta veshur, por duhet t’i keni mbushur mirë xhepat me para.
Uh dhe mos harroni, hidhni pak pudër trupit për t’iu rrëshqitur!
