Ledri, Sara dhe Poem Blu u nisën para disa ditësh për pushime në Dubai. Në fakt “Prive” mësoi se familja nuk udhëtoi vetëm për pushime, por edhe për shkaqe profesionale të reperit. Ledri xhiroi një videoklip në vendin luksoz dhe madje në udhëtim e shoqëroi edhe ekipi i tij, i cili kujdeset gjithmonë që gjithçka të shkojë siç duhet.
Ndërkohë që ne jemi në pritje të projekteve të reja nga Ledri, reperi ka njoftuar se këtë vit do të kemi shumë hite. Ai ka publikuar në Instagram një foto të tij dhe përkrah saj ka shkruar:
“Kena mu gjujt me hite sivjet. Po t’kallxoj!”.
Të gjithë po presim me padurim të dëgjojmë këngë të reja nga Ledri, duke qenë se na mungojnë projektet e tij ritmike të verës. Kujtojmë se para disa ditësh u përfol se Ledri mund të vijë në një bashkëpunim me Morena Tarakun. Shkak për dyshim u bë një koment, që reperi la në një foto të Morenës.
Këngëtarja publikoi në Instagram, një foto nga Dubai dhe krahas saj shkroi:
‘Kush e di?!!’
Menjëherë të gjithë vunë re komentin e Ledrit, i cili ju përgjigj pyetjes së Morenës: “Unë e di”.
Ledri Vula nuk ka sjellë ende ndonjë projekt muzikor për këtë vit. Për herë të fundit ai ka publikuar një këngë në dhjetor të vitit të shkuar, që mban titullin “Sot sot sot” dhe u kthye shumë shpejt në hit, si çdo këngë tjetër e artistit.
