Ajo është një nga këngëtaret më të famshme shqiptare, e cila që në fillimet e saj është njohur për guximin dhe eksplorimin e trendeve të reja.
Bleona Qereti sot po kërkon famën në Amerikë, por duket se pas arritjeve të reja dhe të suksesshme fshihet nostalgjia për fillimet e karrierës. Ditën e sotme këngëtarja ka kujtuar cover-in e albumit të saj të parë, 20 vite më herët.
Shumë e re në moshë dhe me buzëqeshjen që e karakterizon Bleona duket se veç moshës nuk ka ndryshuar shumë ndër vite.Në foton e publikuar ajo duket me një stil ndryshe, me flokët e fryra me onde dhe një fustan të shkurtër të bardhë, por rrezatuese.
Ndërkohë këngëtarja shqiptare po përgatitet për këngën e saj të re “Monster” të cilën ka njoftuar se do ta publikojë këtë javë.
