Cardi B është zgjedhur nga “Billboard” si “Woman of the year” (Gruaja e vitit), por shumë fansa kanë pyetur se çfarë ka barë ajo për të fituar këtë titull kaq të lakmuar. Por si gjithmonë reperja nuk lejoi që të tjerët të flasin kundër saj dhe ju dha një përgjigje të mirë të gjithë atyre që u ankuan për çmimin.
Cardi B ka publikuar së fundmi në Instagram një video të saj, ku shihet e veshur me një robdishan dhe një shami në kokë, për të shpjeguar përse e meritonte titullin nga Billboard.
“Për të gjithë ju qaramanët që thotë ‘Çfarë? Ajo ka bërë vetëm një këngë’. Po, kam bërë një këngë. Dhe ju e dini shumë mirë që ajo ishte e vetmja që shiti më shumë dhe që ishte më e dëgjuara… Ishte ajo këngë që i bëri edhe gjyshet tuaja të kërcenin në TikTok”, ka thënë Cardi B duke ju referuar këngës “WAP”, në bashkëpunim me Megan Thee Stallion.
View this post on Instagram
Ajo më pas shpjegoi se aktivizimi i saj në politikë ishte qershia mbi tortë e këtij viti të madh për të.
“Kam përdorur paratë e mia për t’u takuar me kandidatët si Bernie Sandersa. Kam fluturuar e lodhur pas koncerteve. Po, kjo jam unë. Unë përfaqësoj Amerikën. Okay. Dhe unë doja një ndryshim dhe kjo është ajo çfarë unë bëra”, është shprehur reperja.
Më pas ajo ka falenderuar të gjithë fansat e saj të vërtetë që e kanë mbështetur, kur gjithë bota i ka dalë kundër.
