Për ish-deputeten e Partisë Demokratike, Jorida Tabaku, pritja e ëmbël ka marrë fund.
Ditën e djeshme ajo është bërë nënë për herë të tretë dhe në jetë ka ardhur djali i saj.
Lajmin e bukur e ka bërë të ditur për mediat vetë Jorida nëpërmjet një postimi në Instagram.
Ajo ka publikuar dorën e vogëlushit dhe krahas fotos shkruan fjalët emocionuese.
Jorida ka zbuluar se për djalin e saj ka zgjedhur në emër tipik shqiptar, Dren.
“Dje pak pas mesdite erdhi në jetë Dren Sallaku. Arba dhe Iris janë shumë të lumtura për vëllaçkon e tyre të vogël. Mami Jorida dhe babi Saimir më shumë se të lumtur për mrekullinë e vogël që i shtohet familjes sonë”, shkruan Jorida.
Nga martesa e saj me ekonomistin Saimir, ajo ka edhe dy vajza binjake, të cilat kanë ardhur në jetë në vitin 2017.
