Të gjithë e njohim si moderatorja simpatike e emisionit “Thurrje” në “Digitalb”, por Jonida Vokshi është gjithashtu edhe një aktore e dashur për publikun, e cila numëron disa role në karrierën e saj.
E ftuar në emisionin “You&ME” në “Energy Radio”, Jonida ka zbuluar disa detaje nga jeta e saj personale, por edhe profesionale. Ajo foli edhe për filmin e saj më të fundit “Open Door”, ku luante rolin e një vajze shtatzënë.
Jonida rrëfeu gjatë emisionit se kjo ishte një ndër eksperiencat më të çuditshme që ka përjetuar ndonjëherë, por njëkohësisht edhe një nga eksperiencat më të bukura. Ajo është në rolin e një vajze shtatzënë, e cila detyrohet të kthehet nga jashtë shtetit duke qenë se është beqare dhe duhet ta përballojë e vetme jetën.
“Mu desh, me barkun silikon (artificial), të qëndroja me të për një muaj edhe para xhirimeve. Më duhet ta mbaja në gjumë, në tualet, të vishesha, në çdo procedurë të jetës së përditshme dhe mu bë si pjesë e imja. Mësova të lidhja këpucët…Dhe madje kur e hoqa (barkun) pas xhirimeve, ndieja sikur diçka më mungonte dhe nga kjo më lindi dëshira”, rrëfeu duke qeshur Jonida.
