Këngëtarja Jonida Maliqi pak kohë më parë i dha fund martesës së saj me bashkëshortin e saj Gentin. Ata patën një martesë 17-vjeçare fryt i së cilës ishte dhe djali i tyre, Dani.
Mediat rozë u mbushën me lajme rreth ndarjes së tyre, por Jonida vendosi të hesht pavarësisht atyre që shkruheshin. Për herë të parë ajo ka thyer heshtjen sot, ndërsa ishte e ftuar në “Top Albania Radio” në emisionin e gazetares Dojna Mema.
Jonida fillimisht falënderoi shumë mediat, që nuk e kishin ngacmuar shumë këto kohë për këtë teme delikate të jetës së saj.
“Në momentin që pretendon të nisësh një marrëdhënie pritet jo që të përfundojë, por t’i shkosh deri në fund. Rasti im nuk ishte i tillë, jeta kështu është. Nuk kam dhënë detaje kur kam qenë e lumtur, sepse jo më kot jeta ime personale më përket vetëm mua”: u shpreh Jonida.
Jonida bëri të ditur gjithashtu për dëgjuesit se tashmë epiqendra e jetës së saj tashmë është vetëm djali i saj i vogël, Dani.
