Muzikanti Jon Bon Jovi u nderua në mbrëmjen gala, më 2 shkurt, të ‘MusiCares’ si ‘person i vitit 2024’, ceremoni kjo që vjen si jehonë e të ashtuquajturës ‘Java GRAMMY’. Ceremonia speciale nderoi Bon Jovin, që u bë i famshëm në vitet ’80 si drejtuesi i grupit rock ‘Bon Jovi’. Grupi ka publikuar hite të tilla si “Livin’ On A Prayer” dhe “You Gave Love A Bad Name”. Përveç arritjeve të tij të gjera muzikore, Jon Bon Jovi njihet për punën e tij ndikuese filantropike. Në vitin 2006, ai themeloi Fondacionin ‘Jon Bon Jovi Soul’, një organizatë e dedikuar për të ndërprerë ciklin e urisë, varfërisë dhe të pastrehëve.
“Jam vërtet i përulur që jam i nderuari i MusiCares këtë vit. Puna e MusiCares me profesionistët e muzikës është jashtëzakonisht e rëndësishme në krijimin e mbështetjes shumë të nevojshme dhe programeve të mirëqenies që kultivojnë një komunitet më të shëndetshëm dhe më të gjallë për ne të gjithëve. Puna filantropike ka qenë një gur themeli i jetës sime dhe ka ecur gjithmonë së bashku me karrierën dhe arritjet e mia muzikore. Gati dy dekada më parë, kur formova JBJ Soul Foundation dhe JBJ Soul Kitchens, pashë nga dora e parë dhe vazhdoj të shoh sot ndikimi i punës bamirëse, të bazuar në komunitet. Unë e di këtë me siguri: të ndihmosh komunitetin e dikujt është të ndihmosh veten”, tha Jon Bon Jovi në një deklaratë.
Të ardhurat nga ngjarja do të ofrojnë mbështetje bamirëse për shërbime shëndetësore dhe humane për profesionistët e muzikës.
