Fisnik Syla dhe Fjolla Morina kanë qenë dyshja më e përfolur së fundmi për shkak të marrëdhënies së tyre që u kurorëzua me dasmën e jashtëzakonshme në Maldive, si dhe për ndarjen e tyre që u shoqërua nga një sërë thumbimesh në rrjete sociale.
Por këngëtarja është përfolur dhe për problemet ligjore ku ata janë përfshirë.
Në një nga intervistat e saj, ajo ka folur lidhur me jetën e saj private dhe statusin e saj aktual. Fjolla ka treguar se tani që është ‘single’ ndihet më e lumtur. Ajo nuk la pa thumbuar edhe ish-bashkëshortin e saj, duke “këshilluar” të gjithë të mos mërziten nëse ndahen nga nja tradhtar.
Por mesa duket këngëtarja shqiptare e ka hedhur pas gjithë historinë e saj me Fisnikun. Ditën e djeshme ajo ka festuar ditëlindjen me një festë të çmendur ashtu si duket dhe në fotot e videot e postuara në rrjetin social Instagram.
Artistja mbush plot 36 vjeç dhe vlen të përmendet se të paktën vitet e karrierës kanë qenë me të vërtetë të zhurmshme.
Duket se në mesin e urimeve e dedikime të shumta në rrjete sociale, nuk kanë munguar as organizimet me miqtë e njerëzit e afërm.
Në videot e publikuara shohim këngëtaren duke e shijuar festën në maksimum shoqëruar dhe me një tortë “gjigante”.
E sa për veshjen e këngëtares, ajo kishte veshur një fustan të argjendtë që i theksonte linjat trupore, perfekt për një klub nate.
